方俊傑
傳媒從業員
利物浦球迷。睇戲、煲劇,百看不厭,以字為生。
詳細資料
{{::post['post_title'] ? post['post_title'] : post['profile_name']}}
{{post['profile']['profile_name']}}
{{post['single_post']['post_title']}}
方俊傑
《失去的女兒》:《論盡爆煲媽咪》殘酷版

電影《失去的女兒》(The Lost Daughter),幾特別。表面上,一齣講述母親與女兒關係的文藝電影,主角當然是扮演母親的奧斯卡影后Olivia Colman。英女皇都演過了,再演人媽媽有甚麼出奇?出奇得過Maggie Gyllenhaal轉做導演,但自己沒有擔當任何一個角色?



Jake Gyllenhaal的親姐姐,兩姊弟同為演員,難免會被拿來比較。做家姐的,又難免被比下去。很多人認識Maggie Gyllenhaal,還是因為《蝙蝠俠:黑夜之神》(The Dark Knight),取代Katie Holmes,扮演蝙蝠俠的青梅竹馬Rachel。沒所謂的,近幾年,好幾位女演員轉戰導演,成就非凡,最成功首推拍過《不得鳥小姐》(Lady Bird)、《小婦人》(Little Women)的Greta Gerwig。Maggie Gyllenhaal人生第一次當上長片導演,已經獲提名金球獎最佳導演,最後只不敵另一位女導演Jane Campion。點計,也新鮮過Olivia Colman。


不過,論吸引力,可能還是以Dakota Johnson稱冠。拍過三套《格雷》後,Dakota Johnson矢志洗刷性感脫星形象,連續接拍了《迷途花生醬》(The Peanut Butter Falcon)、《悲傷路上還友你》(Our Friend)等好幾齣小本經營,今次繼續做人阿媽,即使不斷在沙灘出現,但泳衣鏡頭少之又少。騷演技多於騷身材。



再不過,看完《失去的女兒》,我懷疑Jessie Buckley才是真正核心。有看過神劇《切爾諾貝爾:傷心的兒童》(Chernobyl),應該會對Jessie Buckley有印象。今次被安排飾演Olivia Colman的年輕版,論戲份論重要性論發揮空間,相差不會太遠。故事講述大學教授Olivia Colman去沙灘渡假,遇到了同樣前往渡假的一個大家族,因此認識了靚媽Dakota Johnson。為湊女,Dakota Johnson搞到精神緊張,還要跟小鮮肉偷食,被Olivia Colman撞破,令Olivia Colman回想起自己年輕時,由Jessie Buckley扮演時,有兩個女兒,在事業與家庭之間掙扎,搞唔掂,背叛家人的慘痛往事。2018年,Charlize Theron拍過一齣喜劇,叫《論盡爆煲媽咪》(Tully),講述做人阿媽有幾淒涼。《失去的女兒》可以被形容為唔好笑的版本。



《論盡爆煲媽咪》劇照

係呀,做人阿媽就一定會母性泛濫,不惜一切也會放自己仔女在首位,可能佔絕大多數,但肯定有例外。就算屬實,也可能只不過佔絕大多數時間,而總有頂唔順的時間,會覺得不如無生過好過,可以自由自在,喜歡換過另一個男朋友便換過另一個男朋友,可以盡全力發展個人事業,可以想去外地旅遊或公幹便即時起行,不用找個信得過的保姆,或者低聲下氣請求另一半幫忙。可惜,人類就是犯賤,擁有的時候,望到別人沒有,會妒忌別人的瀟灑;到自己沒有或失去?又會痛恨為何身邊的陌生人個個比自己幸福,比自己更有家庭溫暖,人生更加圓滿⋯⋯一個人,以為全世界跟自己一樣,自己無守法,無嘟安心出行,便認定全世界也不守法,一樣沒有嘟安心出行,畢竟是絕無僅有的極少數。極品來的,要好好珍惜呀。