長江後浪推前浪，上一代香港有潮流達人指標Edison 、余文樂等等，不過說出來後生一輩應該以一句「識你老鼠」作回應。

ViuTV 一手捧紅的兩大人氣組合MIRROR及ERROR自出道以來的發展都不俗，獲大批粉絲支持，這些年青人除了發展自己的演藝事業外，亦希望創立自己的時裝品牌。反正疫市帶來地舖零售業寒冬，且看online shop能否殺出一段血路。

MIRROR 成員Ian 創立iNDIPANDANT

MIRROR成員Ian靈機一觸決定創立iNDIPANDANT這個品牌，所有產品均由他自己親自設計，產品主要有很多塊拼布組成，帶點日系文青風格，構思不錯，美中不足是品牌名字有點難記。Ian 分享如何創業時說：「呢排因為疫情關係多咗喺屋企，同時亦多咗時間了解自己，發現自己由細到大都好鍾意時裝，以前中學無乜零用錢，為咗搵外快，就喺日本網站bid啲潮流品牌服飾返嚟再賣出去，嗰陣好興日牌，所以都賺到啲外快。」

ERROR 成員193創立LILABOC

193在加入ERROR前在時裝界打滾了差不多6年，每次見他在節目中講起時裝即刻眉飛色舞，他去年已推出品牌很有自己的想法，就以品牌名字LILABOC為例，是來自經典電影《阿甘正傳》中的金句：Life is like a box of chocolate的簡寫。193解釋用上這句金句的原因，說：「這句話的下一句是：You never know what you’re gonna get，其實呢句說話係話，人生好似你開咗一盒高級朱古力，裡面有好多味道，但每次你攞都唔知自己攞咗乜嘢味、乜嘢形狀，就好似人生咁。」193甚至將品牌的logo，以電影的經典畫面呈現，不過阿甘的樣貌，就變成了他最愛畫的火柴人。LILABOC推出已有一年，雖說顧客大多來自女性（即係fans群組），店內所賣的產品大多是漁夫帽子、自家設計的Tee以及軍裝背心，非常男性市場主導。自去年拍《花姐Error遊》、《娛樂風雲》、《Error自救TV》等綜藝節目及電視劇，193一直忙過不停，未能全程投入時裝設計的生意，現在趁著疫情又可以重拾網上生意了。

MIRROR 成員Tiger創立 Dézert

Tiger創立自家品牌Dézert是受到家人的影響，因為屋企人是從事製衣行業，Tiger說：「入行後，爸爸叫我不如試下做自己嘅品牌，反正屋企一路以來都係做緊呢樣嘢，所以就一路籌備成立Dézert，同大家分享自己喜歡嘅衣服同設計。」Dézert的設計靈感來自日本時裝，這全因Tiger自小已愛讀日本時裝雜誌，加上他獨愛日本風，所以品牌亦順利成章以日本風格作開端，不過Tiger補充道：「都希望Dézert 嘅風格唔會好單一，所以好多唔同嘅產品都會嘗試去做，令Dézert 做到嘅嘢闊啲，同時可以比大家睇到Dézert 係可以做到好多唔同嘅嘢。」

Tiger希望日後可以跟不同的品牌合作，甚至到不同的地方參展，而近日他就找了Mirror兩位兄弟Lokman及Alton一同合作，希望擦出更多火花。面對疫情，Tiger坦言在逆市中會影響外界消費的心態，但更大影響是生產線，他說：「原本我哋嘅目標係希望品牌每個月都有少少新款出，但廠房都因為安全理由開唔到工，大概停咗一個至兩個月。他還希望未來數月能推出Fall /Winter的新方向，希望大眾能一起見證Dézert 的進步。 Dézert主打街頭風，所賣的款式以背囊、小袋子為主，喜歡撐本土品牌的時裝精可留意一下。

ERROR成員保錡創立Øbeginning1

熱愛創作的保錡，除了Error本身的工作外，自己又以獨立唱作歌手身份推出歌曲，此外他亦有成立自家品牌Øbeginning1。

保錡解釋名字，原來都跟創作有關，他說：「 Øbeginning1代表著品牌由冇變有、0變1呢個過程，當中有無限嘅可能性，而品牌名字就展示咗呢個創作過程。」相比起設計為先，保錡推出的產品其實更穩藏著他的演藝歷程與回憶，希望透過產品留下屬於自己的回憶，例如他自己說過的話或創作的歌詞，每件衫都充滿特別的意義。三線同時發展，保錡坦言全部事情都靠自己一雙手去做，時間不夠，就唯有早點起身，瞓少一點，也絕不假手於人。

保錡早前在拍攝節目時曾與曾俊華碰面，他大膽拋下金句：「一世人兩兄弟，有你有我！有今生冇來世！」作開場白，自問是他的好兄弟或fans的話，又怎能不支持？

（圖片來源：iNDIPANDANT、郭嘉駿 Denis Kwok 193、Dézert、Øbeginning1 IG）